龍門訓練從來都係比場區訓練辛苦得多，但只要你肯花時間去練習，當回望過去，你就會發現自己有所進步。好多人可能覺得龍門係猜輸固個，但一位好既龍門係擁有改變賽果既能力。除左靠平時既比賽去吸收實戰經驗，守門員訓練係缺一不可。因為每課守門員訓練都係集中訓練某一兩個課題，令到技巧更加純熟。而作為教練除左教之外，要將你教既技術令到學生明白及消化，因為學生唔明練一百球一千球都做得唔好，甚至係比賽上難以發揮所教既技術。學生明白當中既道理，更能係比賽上自由運用，而且當出現錯誤就更容易搵到問題係一下球做一些調整及改善。久而久之令到進步更快。
作為教練，我好怕好機械式去教波，第一，我班學生唔係機械人，第二，咁教法會好悶。教固個悶，被教固個更悶。由其對住啲小朋友，要令到佢地明白每個訓練背後含義同實戰時既應用方法。咁先可以令到佢地有所進步。只要花啲心思，令到整個訓練啲學生開心，佢地好自然記得你教過既野。
片段中係我任教既 HappyFootball Team，好快就已經黎左半年，最開心係睇住班學生每星期都有進步，而且見到佢地記得你教過既題目。好感謝主教練林sir 對我既信任同支持，比左好自由度我去教佢地。令到我可以以自己既方法及理念去教好呢班學生。
2015年就到，希望係新一年我各位學生更加努力去練習，而我就更加努力學多啲野去教你地。各位我既學生，加油。
Search